رباعيات

عشت أحلم أكون طير حر
أنام في عشة , و أشم الفل
صبحت بني أدم اّكل في أخويا
بايع أرضي و شارب المر
****
أزاي أصحى و الناس نيام
سكوت سكوت و مفيش كلام
أزاي يا عالم أبقى إنسان
و العالم ماعدش فيه غرام

****
صبحت لقيت ناس جديدة
ناس كانت فايقة و بقت شريدة
يا ترى هما الي نامو
و لا دي مشاعر وليدة ؟

****
برافو يا باشا لعبتها صح
بعت الأرض و المحصول بح
جبت الدش و اتعلمت الغش
بكرة تقول يا حبيبي الأح !

****

بيني وبينك مفيش خطوتين

بس دايما بســأل أنتي فين

إزاي يا عالم إتنين في قصة حب

يعيشوا منفصلين , بروحين

******

في عز الليل صرخت حب يا ناس

أدوني شوية حب أو ناولوني كاس

صبحت مدمن حب يا عالم

و القلب صار كل يوم ينداس